Profesores Musicoloxía

Erea Carbajales Molina (Ourense, 1991), licenciada superior nas especialidades de Etnomusicoloxía, Musicoloxía Histórica e Violín no Conservatorio Superior de Música de Vigo e Máster en profesorado de educación secundaria obrigatoria pola Universidade de Vigo. Actualmente realiza o seu traballo fin de máster sobre o Modernismo español no século XIX coa musicóloga Teresa Cascudo, no marco do Máster Universitario de Musicoloxía Aplicada da Universidade da Rioxa. Asistiu a diversas edicións do Curso de Música en Compostela na especialidade de Musicoloxía con José López Calo -becando na edición de 2016-. Como musicóloga traballou na empresa Dos Acordes desenvolvendo tarefas de apoio á investigación. O seu campo de investigación estivo centrado no estudo da música dos videoxogos, tema que tratou nun ciclo de conferencias impartidas no Museo de Arte Contemporánea de Vigo – MARCO (2016), no Conservatorio Profesional de Música de Ourense. (2017), no Grao en Música Online UNIR (2018), no Sindicato del Cómic de Ourense (2018), na ICCWeek de Ourense (2020) e nas JAM Virtual Musicology Conference de Salamanca (2021). Máis aló da industria interactiva, tamén amosa un gran interese pola Epic and Trailer Music, tema que desenvolveu na súa obra From Wagner to Epic Music: proceso de creación e comercialización dos novos xéneros musicais do século XXI baixo a tutela do Dr. Carolina Queipo. Desde 2017, é a presentadora do podcast de musicoloxía popular e investigación musical Anonymous IV xunto co compositor e pianista Brais González Pérez. Ao longo das súas cinco tempadas contaron coa participación de musicólogos, intérpretes e divulgadores musicais como Conrado Xalabarder, Marina Hervás, Agustín Castilla-Ávila ou Abraham Cupeiro, entre outros. Así mesmo, desde setembro de 2020 participa como colaboradora no programa Lambóns viaxeiros de Radio Gallega cunha sección de instrumentos musicais de todo o mundo. Actualmente colabora coa Comisión de Bandas de Música (SEdeM) como responsable de comunicación e como membro do comité organizador do III Congreso Internacional da devandita institución. Na súa faceta de intérprete, compaxina o seu traballo e a súa formación académica coa actuación de violinista na Orquestra Sinfónica de Vigo 430, a Orquestra Barroca Vigo 430 e o grupo Caspervek no que, ademais, traballa como asesora pedagóxica dos seus proxectos didácticos.